hit tracker رواية حب مع وقف التنفيذ الفصل الثاني 2 بقلم الكاتبة الصغيرة – Newsmix.pics

رواية حب مع وقف التنفيذ الفصل الثاني 2 بقلم الكاتبة الصغيرة

رواية حب مع وقف التنفيذ الفصل الثاني 2 بقلم الكاتبة الصغيرة

رواية حب مع وقف التنفيذ الجزء الثاني

رواية حب مع وقف التنفيذ البارت الثاني

حب مع وقف التنفيذ
حب مع وقف التنفيذ

رواية حب مع وقف التنفيذ الحلقة الثانية

تمارة : انا لسة عاملة حساب اني موجودة في مكان محترم بس كلمة كمان وربنا هنسي ولو حابب تطردني اتفضل
رنا : ايوة اطردها
اوس : بس ي رنا اسكتي انتي هتقعدي وتستني دورك اما انتي ي تمارة فليا كلام تاني معاكي
تمارة : وانا عملت ايه
اوس : بعد الشغل عاوزك
رنا : انت بتتكلم بجد يعني واقف معاها هي مش علي اساس اني حبيبتك وخطوبتنا قربت
اول ما سمعت تمارة الكلام دا انصدمت ومكنتش عارفة تعمل اي كانت نفسها تعيط وتصرخ بس قدرت تمسك نفسها وراحت قعدت مكانها وعينيها مدمعة
اوس : رنا انتي عارفة ان شغلي اهم حاجة عندي ولو مش محتاجة حاجة تقدري تتفضلي انا ورايا شغل كتير
رنا : بقي كدة ي اوس ماشي انا غلطانة اني جيت عشان اشوفك
خرجت وهي متعصبة بس قبل ما تخرج بصت لتمارة بغيظ وحقد لان من وجهة نظرها انه زعلها بسببها
بعد مدة كان الكل مشي والعيادة كانت هتتقل مكنتش فيه غير تمارة واوس طلع اوس من الاوضة ووقف قدام تمارة اللي كانت متوترة من وجوده
اوس : خدي هنا انتي راحة فين مش قولتلك اني عاوز اتكلم معاكي
تمارة : وانا عاوزة امشي لان شغلي خلص ووقت الشغل عدي
اوس : انا عاوز اتكلم معاكي
تمارة : اتفضل قول اللي انت عاوزه
اوس : علي فكرة الكلام اللي قالته رنا مش حقيقي هي مش حبيبتي
تمارة : وانا مالي بتبرر ليا ليه انا مليش علاقة بالموضوع دا
اوس : انتي حرة ي تمارة بس انا حبيت اشرحلك واتفضلي لو عاوزة تمشي امشي
خرجت تمارة من العيادة وهي متعصبة وفرحانة جواها شعورين مختلفين تماما ومش عارفة تعمل ايه
❣️❣️❣️❣️❣️❣️❣️❣️❣️❣️❣️❣️❣️❣️❣️
تمارة : السلام عليكم ها عملتي اي ي جوجو
جميلات : متكلمنيش ي تمارة
تمارة : انتي لسة زعلانة ي ماما
جميلات : وانا مش من حقي ازعل وانا شايفة ان حياة بنتي بتتدمر وهي اللي بتدمرها بايدها وانا مش قادرة امنعها
تمارة : ي ماما انا متاكدة ان نهاية صبري دا خير خليكي بس جمبي وادعيلي وباذن الله ربنا هيكون معايا
جميلات : ربنا عالم اني بدعيلك في كل لحظة وبتمني انه يجبر بخاطرك وانا عارفة انه مش هيوريني حاجة وحشة فيكي
تمارة : حبيبتي ي جوجو ها صافية لبن
جميلات : حليب ي قشطة قومي بقي غيري هدومك وتعالي عشان العشا هيبرد
تمارة : لا انا مليش نفس كلي انتي
جميلات : والله ما انا حاطة حاجة في بوقي قبل ما تيجي تاكلي معايا
تمارة : خلاص ي جوجو هدخل بس هغير واجيلك ي قمر انتي
دخلت تمارة عشان تغير اما جميلات فجهزت السفرة واستنتها تيجي
❣️❣️❣️❣️❣️❣️❣️❣️❣️❣️❣️❣️❣️❣️❣️
في فيلا اوس كان قاعد بيفكر في تمارة ومش حاسس باللي حواليه
سيف : انت ي ابني بتكلم معاك من ساعة سرحان في اي بس
اوس : لا مفيش
سيف : تمارة بردوا
اوس : ايوة مش عارف اعمل ايه كل حاجة بتتنيل اكتر من الاول وانا مش لاقي حل
سيف : ي ابني ما تقولها انك بتحبها وخلاص
اوس : ي عم اكيد هترفضني دي عمرها ما ضحكت في وشي حتي بحس انها مبتطقنيش
سيف : علي العموم ايه اللي حصل تاني
اوس : رنا جاتلي النهاردة الشغل وعملت مشكلة معاها
سيف : وفيها اي ما انت عارف ان رنا دايما بتعمل مشاكل
اوس : دي قالت قدامها انها حبيبتي وكمان هخطبها والتانية مدتش اي رد فعل انا وقتها كنت هموت من الغيظ
سيف : الحقيقة انا مش عارف اقولك وخصوصا اني مليش تجارب عاطفية قبل كدة بس نصيحة ابعد رنا عنك باي طريقة اني حاسس انها هتبقي سبب لمشاكل كتير احنا في غني عنها
اوس : طيب اعمل اي دلوقتي دا انا حتي مش عارف اشيل تمارة من تفكيري
سيف : بص ي اوس انا صحيح صاحبك بس بعتبرك اخويا وانا هضحي عشانك وهحاول ابعد رنا عنك
اوس : وهتعمل كدا ازاي
سيف : هحاول اخليها تحبني واخطبها ووقتها هتبعد عنك
اوس : مش هتقدر تعملها لان انا وانت عارفين ان حبها ليا مش حب دا هوس
سيف : يلهوي دا انت كئيب اوي قوم ي عم نام وبكرة يحلها الف حلال
❣️❣️❣️❣️❣️❣️❣️❣️❣️❣️❣️❣️❣️❣️❣️
تاني يوم في الفيلا صحي سيف الاول وطلع برة الفيلا عشان رياضة الجري اللي متعود يعملها كل يوم بس فجأة لقي كلب بيجري وراه اول ما شافه سيف اترعب وطلع يجري باقصي سرعة وطلع علي شجرة كانت قريبة منه بعدها بدقايق جات بنت جميلة وكانت بتدور علي الكلب اول ما شافته راحتله
البنت : راندي تعالي هنا راندي
راحتله هي وانصدمت اول ما شافت سيف فوق الشجرة استغربت من المنظر بس مقدرتش تمسك نفسها وانفجرت من الضحك ومن كتر الضحك وقعت علي الارض
سيف بغيظ : انتي بتضحكي علي ايه
البنت : لا مش قادرة بجد انت ايه اللي بتعمله عندك
سيف : حوشي الكلب بتاعك دا
البنت : انت خايف منه اد اي انت جبان
سيف : ايوة انا جبان اتفضلي بقي ابعدي الكلب دا حالا
فعلا مسكت البنت الكلب وبعدته وهي لسة بتضحك وهو نزل من فوق الشجرة
البنت : انت بجد خايف منه دا كيوت اوي
سيف : كيوت اي بس وبعدين انا عندي فوبيا من الكلاب
البنت : انت اسمك اي بقي
سيف : وانتي مالك انتي هتصاحبيني
البنت : انا تارا
سيف : وهو انا سالتك
تارا : هو انت ينفع تتكلم بزوق عن كدة زي ما انا بكلمك
سيف : انا ماشي مش فاضيلك
تارا : طيب طب والله لاوريك
سابت تارا الكلب اللي اول ما شافه سيف طلع يجري تاني وتارا بتضحك عليه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية حب مع وقف التنفيذ)

About admin